Mae Dŵr Cymru a’i bartneriaid yn falch o gefnogi WaterAid, sy’n gweithio mewn 17 gwlad i ddarparu dŵr, adnoddau glanweithdra ac addysg hylendid ar gyfer rhai o bobl dlotaf y byd.

Bydd staff ar draws y busnes yn cymryd rhan mewn amrediad eang o weithgareddau codi arian bob blwyddyn. Dros y pum mlynedd diwethaf mae ein staff wedi codi bron £700,000 ac rydym eisoes o flaen y targed i godi £1m yn y 10 blynedd hyd 2014. Defnyddir yr holl arian a godir yng Nghymru i gefnogi projectau WaterAid yn Uganda.

Dros y tair blynedd diwethaf rydym wedi rhoi cyfle i rywun yng Nghymru fynd ar daith cefnogwyr WaterAid i weld dros eu hunain sut bydd yr elusen yn gweddnewid bywydau cymaint o bobl. Yn 2008, ymwelodd Mary Watkins â phrojectau WaterAid yn Uganda. Clic i ddarllen blog Mary.

Diolch yn fawr i bob cwsmer a gefnogodd WaterAid wrth ymateb i’r apeliadau blynyddol. Ers 2000 rydych wedi codi £1.3 miliwn.