Mae Dŵr Cymru Welsh Water wedi cyflwyno ei Gynllun Busnes Terfynol i Ofwat. Mae’r Cynllun Busnes yn cynnig targedau ac amcanion y cwmni am y cyfnod rheoleiddio nesaf o bum mlynedd hyd at 2015 ac mae'n adlewyrchu'r weledigaeth a nodwyd yn ei strategaeth 25 mlynedd 'Ein Dyfodol Cynaliadwy' a gyhoeddwyd yn 2007. Cyflwynwyd Cynllun Busnes Drafft Dŵr Cymru ym mis Awst y llynedd ac mae Ofwat, Llywodraeth Cynulliad Cymru a rheoleiddwyr a rhanddeiliaid eraill wedi bod yn craffu'n fanwl arno ac yn ei herio.
Dyma nodweddion allweddol strategaeth Dŵr Cymru;
ni fydd biliau arferol cartrefi yn uwch mewn termau real yn 2015 nag y maent heddiw
caiff y safonau gwasanaeth uchel presennol eu cynnal a bydd rhai agweddau, yn cynnwys blaenoriaethau cwsmeriaid, yn cael eu gwella
bydd y pecyn buddsoddiadau i warchod a gwella ansawdd dŵr yfed ac ansawdd yr amgylchedd yn rhoi gwerth da i’n cwsmeriaid am eu harian
bydd mwy o waith cynnal a chadw yn golygu bod ein hasedau'n gweithio'n well a bydd yn mynd i’r afael â risgiau y gwyddom amdanynt, yn enwedig y rhai a nodir mewn Cynlluniau Diogelwch Dŵr Yfed
bydd rhaglenni strategol yn dechrau ymateb i heriau hirdymor, yn enwedig mewn ymateb i newid yn yr hinsawdd a dŵr wyneb yn achosi llifogydd a
bydd targedau effeithlonrwydd heriol a chynlluniau cyllido effeithlon am y pum mlynedd nesaf yn hanfodol er mwyn sicrhau y gallwn fforddio'r cynllun
