Trwyddedau Cyflenwi Dŵr

Ar 1 Rhagfyr 2005, daeth Deddf y Diwydiant Dŵr 1991 (fel y’i diwygiwyd gan Ddeddf Dŵr 2003) i rym. Mae’r ddeddf yn galluogi cwsmeriaid dibreswyl, sy’n debygol o ddefnyddio dros 50Ml o ddŵr y flwyddyn, i ddewis eu cyflenwr dŵr o blith cwmnïau newydd sy’n dod i’r farchnad.

Bydd gofyn i gwmnïau sydd am ddod i’r farchnad wneud cais am drwydded gan Ofwat, mewn un o ddwy ffordd:

• Trwy ddatblygu eu ffynhonnell ddŵr eu hunain a defnyddio systemau cyflenwi cwmni dŵr awdurdodedig i gyflenwi dŵr i’r eiddo (trwydded gyfunol); neu
• Trwy brynu dŵr cyfanwerth gan gwmni dŵr awdurdodedig a’i werthu i gwsmeriaid (trwydded adwerthu).

Ofwat sy’n gyfrifol am reoli’r broses. I weld y manylion llawn ewch i www.ofwat.gov.uk