Beth yw manteision trefnu Debyd Uniongyrchol?
-
Cewch dalu eich bil fesul tipyn (heb dalu ceiniog yn rhagor).
-
Nid oes angen talu i drefnu hyn.
-
Ni fyddwch chi’n methu’ch taliadau.
-
Does dim costau postio.
-
Does dim gwaith papur.
-
Does dim angen mynd i’r banc.
-
Mae’n ddiogel ac yn sicr.
-
Mae’r
Warant Debyd Uniongyrchol yn eich amddiffyn rhag unrhyw daliadau gwallus ac er bod hynny’n annhebygol o ddigwydd, cewch chi’ch arian nôl os oes camgymeriad yn codi.
-
Os byddwch chi’n penderfynu nad yw’r Debyd Uniongyrchol yn eich siwtio chi, mae’n hawdd newid nôl i ddull arall o dalu.
Sut i drefnu Debyd Uniongyrchol?
Arlein
Post
*Os bydd eich banc / cymdeithas adeiladu angen mwy nag un llofnod, rhaid llenwi’r mandad Debyd Uniongyrchol uchod.
A oes rhywun arall yn talu ar eich rhan?
Os oes partner, perthynas neu gymydog wedi cytuno i dali eich bil dŵr, bydd angen iddyn nhw gysylltu â ni i drefnu Debyd Uniongyrchol. Y rheswm am hyn yw bod angen i’r person a enwir ar y cyfrif banc/cymdeithas adeiladu gadarnhau y cawn ni godi’r taliadau.
Pa mor aml y cewch dalu trwy Debyd Uniongyrchol?
Gall cwsmeriaid heb fesurydd dalu:
-
Yn llawn ar 1 Ebrill, neu
-
Mewn dwy ran ar 1 Ebrill ac 1 Hydref, neu
-
Mewn deg taliad misol rhwng mis Ebrill a’r mis Ionawr canlynol. Ni fydd angen i chi dalu dim ym misoedd Chwefror a Mawrth (fel taliadau’r Dreth Gyngor)* neu
-
Taliadau wythnosol**.
*Os byddwch chi’n trefnu Debyd Uniongyrchol ar ôl mis Ebrill, caiff eich taliadau eu rhannu dros y misoedd sy’n weddill hyd at y mis Ionawr canlynol (llai na deg mis).
**Os yn trefnu Debyd Uniongyrchol ar ôl Ebrill, lledir eich taliadau dros yr wythnosau dilynol hyd at y mis Mawrth nesaf (llai na 52 wythnos).
Gall cwsmeriaid â mesurydd dalu:
-
Yn llawn bob chwe mis (pan gewch chi’ch bil), neu
-
Deuddeg taliad misol (talu wrth fynd), neu
-
Taliadau wythnosol.
Ar ba ddyddiad y cewch chi dalu?
Misol
- Talu ar un o bedwar dyddiad: diwrnod 1, 8, 15 neu 23 bob mis.
Os bydd y dyddiad ar benwythnos neu ŵyl banc, cymrir y taliad ar y diwrnod gwaith nesaf.
Wythnosol
- Talu ar un o bum diwrnod: Llun, Mawrth, Mercher, Iau neu Gwener bob wythnos.
Os bydd y dyddiad ar ŵyl banc, cymrir y taliad ar y diwrnod gwaith nesaf.
Diddordeb? Gallwch drefnu Debyd Uniongyrchol heddiw wrth lenwi ffurflen Debyd Uniongyrchol arlein (talu bob blwyddyn, chwe mis neu fis) neu ffurflen Debyd Uniongyrchol wythnosol.