"DIY" Archwiliad Dwr i'w Gyflawni yn y Cartref

Cyf: OWR 9712

Ein gwaith ni yn Dwr Cymru yw sicrhau y cewch yr holl ddwr sydd ei angen arnoch, pryd bynnag y bydd ei angen arnoch, beth bynnag fo'r tywydd, yr amser o'r dydd neu adeg o'r flwyddyn.

Llwyddom i gynnal cyflenwadau dwr yn ystod sychder 1995 heb unrhyw gyfyngiadau, nid oedd angen gwahardd pibellau dyfrhau. Rydym yn bwriadu gwneud yr un peth yn y blynyddoedd sydd i ddod, beth bynnag fo'r tywydd. Wedi'r cyfan dyma yw ein gwaith a dyma beth rydych yn ein talu i'w wneud.

Ar yr un pryd, rydym yn gwybod eich bod am i ni sicrhau nad ydym yn cymryd mwy o ddwr o'r amgylchedd nag sydd angen. Rydym yn llwyr ymrwymedig i warchod dwr a hybu effeithlonrwydd dwr. Rydym yn parhau i wneud cynnydd da, cynaladwy o ran lleihau gollyngiadau ac yn darparu cyngor i'n cwsmeriaid ar yr un pryd, a lle bynnag y bo'n bosibl, rydym yn cynnig cymorth ymarferol o ran defnyddio dwr yn ddoeth.

Mae ein taflen Archwiliad Dwr i'w Gyflawni yn y Cartref yn dangos i chi sut i ddefnyddio dwr yn fwy doeth yn eich cartref. Mae'n syndod, ond gydag ychydig mwy o waith meddwl mae'n hawdd gostwng y swm o ddwr rydym yn ei ddefnyddio wrth wneud hyd yn oed y tasgau symlaf.

Cliciwch yma i lwytho feriswn PDF y ffurflen i lawr

Tasgau bob dydd

Rydym yn defnyddio 150 litr yr un o ddwr glan wedi'i drin bob dydd. Felly, ble rydym yn ei ddefnyddio?

Mewn cartref nodweddiadol

Yr Ystafell Ymolchi

y gwastraffwr dwr   y defnyddiwr doeth

Cael bath a chawod
Cael bath
Cael cawod bwer
Cael cawod

Mae bath yn defnyddio hyd at 80 litr o ddwr ac mae cawod yn defnyddio 35 litr o ddwr.

Mae cawod bwer (cawod sy'n defnyddio pwmp i gynyddu pwysau'r dwr) yn defnyddio bron yr un faint o ddwr a bath. Gall pen cawod sy'n pwmpio llai o ddwr arbed 5 litr yn fwy o ddwr o'i gymharu a chawod arferol.

Fflysio'r toiled
Os oes gennych hen seston toiled -hyd at 13 litr bob tro y caiff ei fflysio
Os oes gennych seston fodern - 7 - 9 litr bob tro y caiff ei fflysio
Os oes gennych fodel newydd fflysio byr - 6 litr bob tro y caiff ei fflysio

Mae dros draean o'r dwr rydym yn ei gyflenwi i chi yn mynd i lawr y toiled.

Os oes gennych un o'r sestonau mwy ceisiwch osod teclyn yn eich seston i leihau'r llif o ddwr a ddefnyddir bob tro y caiff ei fflysio.

Defnyddio'r basn llaw
Glanhau eich dannedd gyda'r tap yn rhedeg
Defnyddio bicer o ddwr i rinsio'ch dannedd
Golchi eich dwylo gyda'r tap yn rhedeg
Golchi eich dwylo gyda'r plwg yn ei le

Gall tap sy'n rhedeg ddefnyddio hyd at 9 litr o ddwr y funud.

Y Gegin

y gwastraffwr dwr   y defnyddiwr doeth

Defnyddio'r peiriant golchi/peiriant golchi llestri
Eu defnyddio gyda llai na llwyth llawn
Dewis y rhaglen economi gywir bob tro

Golchi llestri
Rinsio llestri o dan dap sy'n rhedeg
Defnyddio powlen golchi llestri wrth olchi llestri
"Arbed" eich llestri budr

Glanhau llysiau
Golchi llysiau o dan dap sy'n rhedeg
Golchi llysiau mewn powlen o ddwr

Yr Ardd

y gwastraffwr dwr   y defnyddiwr doeth

Defnyddio chwistrellydd dwr yn ormodol
Defnyddio pibell ddyfrhau gyda dyfais rheoli clicied
Gosod casgen dwr glaw
Gorchuddio eich planhigion

Mae chwistrellydd dwr yn defnyddio rhwng 300 - 650 litr o ddwr yr awr, sef mwy nag y bydd y cartref arferol yn ei ddefnyddio mewn un diwrnod. Meddyliwch faint o ddwr y mae chwistrellydd dwr yn ei ddefnyddio os caiff ei adael ymlaen drwy'r nos. Gall pibell ddyfrhau (15mm) heb ffroenell ddefnyddio hyd at 1000 litr yr awr.

Golchi Car

y gwastraffwr dwr   y defnyddiwr doeth

Defnyddio pibell ddyfrhau
Defnyddio pibell ddyfrhau gyda dyfais rheoli clicied
Defnyddio bwced

Mae defnyddio pibell ddyfrhau i olchi eich car yn defnyddio swm cyfwerth a 33 bwcedaid o ddwr.

Gollyngiadau

y gwastraffwr dwr   y defnyddiwr doeth

Mae tua thri chwarter o ollyngiadau yn digwydd ar bibellau Dwr Cymru, a thua chwarter ar bibellau sy'n eiddo i gartrefi a busnesau.

Pibellau cyflenwi sy'n gollwng -
Gwiriwch lwybrau mynediad, llwybrau, gerddi am fannau gwlyb anarferol - hwyrach bod gennych ollyngiad ar eich pibell gyflenwi (y bibell sy'n cysylltu'ch ty a'n prif bibell gyflenwi). Prawf syml os oes gennych fesurydd dwr yw diffodd pob tap ac offer sy'n defnyddio dwr a gwirio nad yw'r mesurydd yn symud.

Os oes gennych broblem gyda'ch mesurydd cysylltwch a ni ar 0800 052 0140.

Tapiau sy'n diferu -
Gall tap sy'n diferu wastraffu hyd at 30 litr o ddwr bob dydd. Gododwch wasieri newydd y tu mewn a thu allan i dapiau cyn gynted ag y gwelwch y diferyn cyntaf.

Gorlifiadau -
Gwiriwch bob gorlifiad i sicrhau nad ydynt yn rhedeg yn ddiangen.

Lleoliad y tap cau -
Gwnewch yn siwr eich bod yn gwybod lle mae'r tap cau, fel y gallwch ddiffodd y cyflenwad dwr i'ch eiddo yn gyflym petai argyfwng.

Diogelu rhag rhew -
Sicrhewch fod yr holl bibellau a thanciau dwr, y tu mewn a thu allan i'r ty wedi'u lagio'n ddigonol. Mae lefelau gollyngiadau yn cynyddu'n sylweddol yn dilyn tywydd rhewllyd.

Os hoffech gael cyngor ar ddiogelu rhag rhew ffoniwch ein llinell lagio ar Radffon 0800 281 432 i gael ein taflen gyngor "Peidiwch a chracio, lapiwch".

Os bydd angen cyngor pellach arnoch, neu os hoffech i ni ymweld a chi i'ch cynorthwyo i gynnal yr archwiliad Defnyddio Dwr yn Ddoeth hwn, cysylltwch a ni ar Radffon 0800 281 432.