"DIY" Archwiliad Dwr i'w Gyflawni gan Adeiladau Busnes |
 |
Cyf: OWR 9720 Rhagfyr 1998
Llwyddom i gynnal cyflenwadau dwr yn ystod sychder 1995 heb unrhyw gyfyngiadau, nid oedd angen gwahardd pibellau dyfrhau. Rydym yn bwriadu gwneud yr un peth yn y blynyddoedd sydd i ddod, beth bynnag fo'r tywydd. Wedi'r cyfan dyma yw ein gwaith a dyma beth rydych yn ein talu i'w wneud.
Ar yr un pryd, rydym yn gwybod eich bod am i ni sicrhau nad ydym yn cymryd mwy o ddwr o'r amgylchedd nag sydd angen. Rydym yn llwyr ymrwymedig i warchod dwr a hybu effeithlonrwydd dwr . Rydym yn parhau i wneud cynnydd da, cynaladwy o ran lleihau gollyngiadau ac yn darparu cyngor i'n cwsmeriaid ar yr un pryd, a lle bynnag y bo'n bosibl, rydym yn cynnig cymorth ymarferol o ran defnyddio dwr yn ddoeth.
Mae'n taflen Archwiliad Dwr "DIY" i'w gyflawni gan Adeiladau Busnes yn dangos i chi sut y gallwch ddefnyddio dwr yn fwy doeth.
Os oes gennych ddiddordeb mewn hybu mesurau effeithlonrwydd dwr o fewn eich busnes mae'n dechrau gyda chodi ymwybyddiaeth staff.
Defnydd Dwr CyffredinolYdy eich adeiladau yn defnyddio mwy o ddwr na'r cyffredin?
Y defnydd fesul person mewn swyddfa arferol (neu uned ffatri ar ffurf swyddfa) ar gyfartaledd yw 50 litr y person y dydd.
I ble mae'r cyfan yn myndPatrwn nodweddiadol o ddefnydd dwr swyddfa
Toiledau ac ystafelloedd ymolchi
Fflysio'r toiled
Os oes gennych y sestonau mwyaf ceisiwch roi teclyn yn y tanc i leihau'r llif a ddefnyddir bob tro y cânt eu fflysio.
Fflysio troethfâu
Mae'n rhaid gosod teclyn rheoli ar bob troethfa newydd i sicrhau mai dim ond ar ôl cael ei defnyddio y mae'r droethfa yn fflysio, ond mae'r mwyafrif o droethfâu yn fflysio ddydd a nos - gwastraff sylweddol o ddwr.
Mae llawer o ddulliau rheoli fflysio ar gael, rhai ohonynt sydd ond yn gweithredu pan gaiff y troethfâu eu defnyddio e.e. synwyryddion is- goch, synwyryddion pwysedd dwr, synwyryddion tymheredd; rhai sy'n gweithredu wrth fynd i mewn i'r ystafell e.e. switsys drws magnetig, pelydrau drws is-goch a'r rhai symlaf sy'n gweithredu drwy ddyfais rheoli amser sylfaenol. Pa fath bynnag o system reoli a gaiff ei gosod mae'n rhaid iddi gydweddu â'ch gofynion.
Cael cawod
Mae cawod arferol yn defnyddio 35 litr o ddwr a gall cawod sy'n pwmpio llai o ddwr arbed 5 litr yn fwy o ddwr o'i chymharu â chawod arferol.
Tapiau sy'n rhedeg
Ystyriwch osod tapiau chwistrellu neu dapiau "gwthio" sy'n cau eu hunain neu anogwch staff i osod y plwg yn y basn llaw.
Y Cantîn
Defnyddiwch lwyth llawn bob tro neu dewiswch y rhaglen economi. Pan fyddwch yn prynu peiriant newydd ystyriwch ddewis model "dwr effeithlon" ECO.
Defnyddiwch bowlen o ddwr neu rhowch y plwg yn y sinc wrth olchi llestri neu baratoi llysiau.
Cynnal a chadw tirMae chwistrellwr dwr yr ardd yn defnyddio rhwng 300 - 650 litr o ddwr yr awr, mwy nag y mae'r cartref arferol yn ei ddefnyddio mewn diwrnod.
Mae gor-ddyfrhau yn achosi i wreiddiau dyfu'n fas. Defnyddiwch bibell ddyfrhau gyda dyfais rheoli, gosodwch gasgen dwr glan gorchuddiwch blanhigion.
Golchi ceir/faniauGall pibell ddyfrhau (15mm) heb ffroenell ddefnyddio hyd at 1000 litr yr awr.
Defnyddiwch bibell ddyfrhau gyda dyfais rheoli clicied. Os byddwch yn defnyddio golchfa ceir awtomatig, ceisiwch ddewis un sy'n ailgylchu'r dwr
GollyngiadauMae tua thri chwarter o ollyngiadau yn digwydd ar bibellau Dwr Cymru, a thua chwarter ar bibellau sy'n eiddo i fusnesau a chartrefi.
Pibellau cyflenwi sy'n gollwng - gwiriwch lwybrau mynediad, llwybrau, gerddi am fannau gwlyb anarferol - hwyrach bod gennych ollyngiad ar eich pibell gyflenwi (y bibell sy'n cysylltu'ch adeilad â'n prif bibell gyflenwi). Prawf syml os oes gennych fesurydd dwr yw diffodd pob tap ac offer sy'n defnyddio dwr (gan gynnwys troethfâu) a gwirio nad yw'r mesurydd yn symud. Neu fel arall, darllenwch y mesurydd ar ddiwedd y diwrnod gwaith, ar ôl i bawb adael yr adeilad, ac eto yn y bore cyn i bawb ddechrau gweithio. Os oes gwahaniaeth rhwng y darlleniadau efallai bod pibell yn gollwng - cofiwch ddiffodd unrhyw droethfâu sy'n fflysio'n awtomatig.
Rydym yn cynnig 1grantiau atgyweirio ac adnewyddu gollyngiadau i gynorthwyo ein cwsmeriaid ac i helpu i leihau gollyngiadau "ar bibellau cwsmeriaid".
Os credwch fod gennych ollyngiad ffoniwch ni ar ein llinell gollyngiadau Rhadffon 0800 281432 - byddwn yn gallu eich helpu.
Os oes gennych broblem gyda'ch mesurydd cysylltwch â ni ar 0345 660130.
Tapiau sy'n diferu - Gall tap sy'n diferu wastraffu hyd at 30 litr o ddwr bob dydd. Gosodwch wasieri newydd y tu mewn a thu allan i dapiau cyn gynted ag y gwelwch y diferyn cyntaf.
Gorlifiadau - gwiriwch bob gorlifiad i sicrhau nad ydynt yn rhedeg yn ddiangen.
Lleoliad y tap cau - gwnewch yn siwr eich bod yn gwybod lle mae'r tap cau, fel y gallwch ddiffodd y cyflenwad dwr i'ch eiddo yn gyflym petai argyfwng.
Diogelu rhag rhew - sicrhewch fod yr holl bibellau a thanciau dwr, y tu mewn a thu allan i'r adeilad wedi'u lagio'n ddigonol. Mae lefelau gollyngiadau yn cynyddu'n sylweddol yn dilyn tywydd rhewllyd.
Os hoffech gael cyngor ar ddiogelu rhag rhew ffoniwch ein llinell lagio Rhadffon 0800 281432 am ein taflen gyngor "Peidiwch â chracio, lapiwch".
|
Ein gwaith ni yn Dwr Cymru yw sicrhau y cewch yr holl ddwr sydd ei angen arnoch, pryd bynnag y bydd ei angen arnoch, beth bynnag fo'r tywydd, yr amser o'r dydd neu adeg o'r flwyddyn.
Caiff dros hanner y dwr rydym yn ei gyflenwi i chi ei fflysio
i lawr y toiled neu droethfa.
Peiriannau golchi llestri a pheiriannau golchi