Dyma rai o’r cwestiynau cyffredin bydd Dŵr Cymru yn derbyn
Pwy sy’n penderfynu beth y gallwn ei godi?
Ofwat, sef rheoleiddiwr annibynnol y diwydiant dŵr a charthffosiaeth yng Nghymru a Lloegr sy’n gwneud hyn. Bob pum mlynedd, mae Dŵr Cymru - fel pob cwmni dŵr arall - yn paratoi ei gynlluniau ar gyfer y blynyddoedd i ddod, gan nodi’r hyn sydd angen ei wneud, faint y bydd yn ei gostio a beth y bydd yn ei olygu i filiau. Mae Ofwat yn archwilio ac yn herio’r cynlluniau hyn ac yn pennu uchafswm y gall cwmnïau ei godi i gyflawni swm o waith y cytunir arno mor effeithlon â phosibl. Effeithlonrwydd sy’n allweddol a bydd Dŵr Cymru yn gwneud mwy o arbedion nag unrhyw gwmni dŵr arall dros y blynyddoedd nesaf. Ac oherwydd nad oes gennym randdeiliaid, bydd yr arbedion hynny yn mynd yn syth yn ôl i’n cwsmeriaid.
Erbyn hyn mae ein cynlluniau ar gyfer y pum mlynedd nesaf yn gytûn, ac mae Ofwat wedi penderfynu y gallwn gyflawni’r cynlluniau hyn heb i filiau godi ar gyfartaledd. Nid yw hyn yn golygu y byddwn yn buddsoddi llai - i’r gwrthwyneb, yn union fel y pum mlynedd diwethaf, byddwn yn gwario tua £1,000 fesul cartref dros y pum mlynedd nesaf ar atgyweirio a chynnal a chadw’r rhwydwaith o gronfeydd dŵr, gweithfeydd trin, gorsafoedd pwmpio a phibellau gwerth £25 biliwn a ddefnyddiwn i sicrhau eich bod yn cael cyflenwad dŵr o’r radd flaenaf 24 awr y dydd, bob diwrnod o’r flwyddyn. Bydd y buddsoddiad hwn hefyd yn sicrhau bod Cymru yn parhau i gael yr afonydd a’r dyfroedd arfordirol gorau yn y DU am fod dŵr gwastraff yn cael ei drin i safon uwch nag erioed.
Rydym wedi llunio taflen wybodaeth sy’n nodi ar beth y caiff yr arian a rowch i ni wrth dalu
eich bil ei wario. Mae copi ar gael ar ein gwefan www.dwrcymru.com neu drwy ein ffonio ar 0800 052 0138.
Ni allaf fforddio talu fy mil dŵr, beth y gallaf ei wneud?
Y peth pwysicaf y gallwch ei wneud yw siarad â ni ar unwaith er mwyn i ni allu dod o hyd iffordd i’ch helpu - y rhif yw 0800 052 6058.
Mae nifer o ffyrdd y byddwn yn gallu eich helpu efallai megis trefnu i chi dalu eich bil drwyrandaliadau bob wythnos, bob pythefnos neu bob mis, neu os ydych yn cael rhai budd-daliadau, yna efallai y byddwch yn gymwys i gael un o’n tariffau is.
Er enghraifft os ydych yn cael Cymhorthdal Incwm/Lwfans Cyflogaeth a Chymorth yn
seiliedig ar Incwm, Lwfans Ceisio Gwaith yn seiliedig ar incwm neu Gredyd Pensiwn, mae’n bosibl i’ch bil dŵr gael ei dalu’n uniongyrchol i ni o’ch budd-dal. Gelwir hyn yn dariff Water Direct a bydd yn lleihau eich bil £25.
Yn yr un modd, os ydych yn cael rhai budd-daliadau a bod gennych naill ai tri neu fwy o blant
o dan 19 oed sy’n byw gyda chi, yr hawlir budd-dal plant ar eu cyfer, neu os oes cyflwr meddygol ar rywun sy’n byw gyda chi sy’n gofyn am ddefnyddio swm ychwanegol sylweddol o ddwr, yna gallwch fod yn gymwys i gael ein tariff Cymorth Dŵr Cymru. Mae hyn yn golygu mai uchafswm o £228 a delir gennych.
Rydym hefyd yn gweithredu Cronfa Cymorth i Gwsmeriaid a all eich helpu gydag ôl-
ddyledion ar eich bil dŵr, yn amodol ar fodloni meini prawf penodol.
Ffoniwch ni ar 0800 052 6058 am ragor o wybodaeth.
Os bydd angen cyngor annibynnol arnoch, gallwch gysylltu ag asiantaeth gynghori leol megis:
Y Llinell Ddyled Genedlaethol
Rhadffon - 0808 808 4000
www.nationaldebtline.co.uk
Canolfan Cyngor ar Bopeth
Chwiliwch yn eich ‘yellow pages’ lleol neu gyfeirlyfr lleol Thomson am gyfeiriad a rhifau ffôn
Seilir biliau dŵr anfesuredig ar werthoedd ardrethol yn bennaf am resymau hanesyddol.
Mae Deddfau’r Diwydiant Dŵr 1991 a 1999 yn caniatáu i gwmnïau dŵr gyfrifo biliau dŵr gan ddefnyddio gwerthoedd ardrethol ar gyfer eiddo a adeiladwyd cyn 1 Ebrill 1990, nad oes ynddo fesurydd dŵr.
O ran eiddo a adeiladwyd rhwng 1 Ebrill 1990 a 31 Mawrth 2000, seilir eich bil ar werth ardrethol ‘ar gyfartaledd’ y’i defnyddiwn i gyfrifo ein Tâl Safonol.
A allaf newid gwerth ardrethol fy eiddo?
Yn anffodus, ni allwch newid gwerth ardrethol eich eiddo. Mae’r gwerth ardrethol yn asesiad
o werth rhent blynyddol eiddo a wnaed gan eich awdurdod lleol yn 1973. Mae’n seiliedig ar nifer o ffactorau gan gynnwys maint eich eiddo, ei gyflwr cyffredinol a pha wasanaethau lleol sydd ar gael. Diweddarwyd y gwerthoedd hyn yn unol ag unrhyw ddiwygiadau neu ychwanegiadau newydd hyd at 1990 pan gawsant eu rhewi.
A oes angen i mi ddweud wrthych os bydd band fy nhreth gyngor yn newid?
Nac oes, nid oes angen i chi ddweud wrthym os bydd band eich treth gyngor yn newid. Y rheswm dros hyn yw am nad yw eich treth gyngor yn effeithio ar yr hyn rydych yn ei dalu am eich gwasanaethau dŵr a charthffosiaeth.
A oes angen i mi dalu taliadau dŵr a charthffosiaeth os wyf yn adnewyddu neu’n addurno fy nhy?
Oes, chi sy’n gyfrifol am unrhyw wasanaethau dŵr neu garthffosiaeth a gewch. Mae’n rhaid i chi dalu taliadau p’un a ydych yn adnewyddu neu’n addurno eich ty, os yw’n wag ond yn cynnwys rhywfaint o ddodrefn, neu os oes rhywun yn byw yno.
A oes gostyngiad ar gael i fyfyrwyr neu bobl sy’n byw ar eu pen eu hunain?
Nac oes, nid oes gostyngiadau ar gyfer taliadau dŵr a charthffosiaeth, ond mae ystod o opsiynau talu gennym i helpu i ledaenu cost eich bil.
A fyddwn yn arbed arian pe newidiwn i fesurydd dŵr?
Os ydych yn defnyddio ychydig iawn o ddwr, efallai y byddai newid i fesurydd dŵr o fudd i chi. Mae’n gweithio yn yr un modd â mesurydd nwy neu drydan ac mae ond yn codi tâl arnoch am y dŵr rydych yn ei ddefnyddio yn ogystal â thaliadau sefydlog. Os hoffech gael mesurydd dŵr ffoniwch ni ar 0800 052 6058.
Dangos cwestiynau ar:
Os am weld cwestiynau cyffredin ar bwnc penodol, defnyddiwch y ddewislen isod:
