Byddwn yn cyflenwi dros 900 miliwn litr o ddŵr y dydd i gartrefi a busnesau yn ein hardal. Mae rheolaeth dynn ar gyflenwadau dŵr oherwydd eu pwysigrwydd yn nhermau iechyd y cyhoedd. Mae llawer o’n gwaith yn destun gofynion statudol o dan reolaeth yr Arolygiaeth Dŵr Yfed.

Clic yma am fanylion pellach am eich cyflenwad dŵr.

Dyma atebion i rai cwestiynau cyffredin am eich cyflenwad dŵr.

Dim dŵr o’r tap, beth nesaf?

Os ydych newydd symud i mewn i adeilad neu wedi gwneud gwaith yno, sicrhewch nad yw’r stoptap mewnol / allanol wedi’i droi i ffwrdd.

Ydych chi wedi derbyn cerdyn gennym yn eich hysbysu o waith cynnal a chadw hanfodol fydd yn ymyrryd â’r cyflenwad? Am gymorth pellach galwch 0800 052 0130. Cofiwch edrych i weld os oes rhywun yn gweithio yn y stryd a allai fod wedi ymyrryd â’r cyflenwad a holi cymdogion eraill os ydynt wedi sylwi unrhyw beth tebyg cyn ein galw – diolch.

Nid oes llawer o ddŵr yn dod allan o’r tap.

Os ydych wedi gwneud gwaith ar eich adeilad, sicrhewch nad yw’r stoptap mewnol / allanol wedi’i droi i ffwrdd.

Efallai fod dŵr yn gollwng o bibell gyflenwi sydd angen ei thrwsio. Edrychwch am arwyddion o leithder neu bydru ac am fannau llaith ar lwybrau a lawntiau. Os yn methu datrys y broblem, neu angen cymorth pellach galwch 0800 052 0130.

Fyddwch yn ein hysbysu os am droi’r dŵr i ffwrdd?

Byddwn yn rhoi rhybudd ysgrifenedig os bydd angen troi i ffwrdd eich cyflenwad am dros bedair awr i wneud gwaith cynlluniedig, a byddwn yn adfer eich cyflenwad erbyn yr amser a nodir ar yr hysbysiad ysgrifenedig.

Yn achos argyfwng, byddwn yn trio mynd o gwmpas i hysbysu’r ardal wrth ddefnyddio corn siarad. Os yn drwm eich clyw, efallai byddwch am gofrestru ar gyfer ein gwasanaethau ychwanegol. Clic yma i ddysgu mwy.

Faint o rybudd cyn troi’r dŵr i ffwrdd?

Byddwn yn rhoi rhybudd ysgrifenedig o 48 awr os bydd angen gwneud gwaith cynlluniedig fydd yn ymyrryd â’ch cyflenwad am dros 4 awr. Am gymorth pellach galwch 0800 052 0130.

Rwy’n dioddef o gyflwr meddygol sy’n galw am gyflenwad dŵr cyson. Beth ddylwn wneud?

Os nad oes dŵr gennych a’ch bod yn dioddef o gyflwr meddygol sydd angen cyflenwad dŵr cyson, er enghraifft dialysis yn y cartref, galwch 0800 052 0130 am wybodaeth bellach. Gallech hefyd elwa o fynd ar ein cofrestr gwasanaethau ychwanegol. Clic yma am gymorth pellach.

Stopiodd y cyflenwad dŵr ac yn awr mae’r dŵr tap yn fudr?

Gall ddigwydd ar ôl ysgytio’r gwaddod ar waelod pibellau. Dylai glirio ar ôl rhedeg y tap am ychydig funudau. Os na fydd yn clirio galwch 0800 052 0130.

Mae’r cyflenwad wedi’i ailgysylltu ond mae’r dŵr yn gymylog?

Gall ddigwydd os bydd aer yn y dŵr. Mae’n ddiniwed a’r dŵr yn iawn i’w yfed. Os yn llenwi gwydr gyda dŵr dylai glirio o’r gwaelod i fyny. Fodd bynnag, os bydd y broblem yn para mwy na 24 awr, galwch 0800 052 0130.

Grantiau i adnewyddu pibellau plwm?