Dŵr Cymru yw’r cwmni rheoledig sy’n darparu gwasanaethau cyflenwi dŵr a charthffosiaeth ar gyfer dros 3 miliwn person yn byw a gweithio yng Nghymru a rhai ardaloedd cyfagos yn Lloegr. Rydym yn gwasanaethu 1.2 miliwn cwsmer preswyl a dros 110,000 cwsmer busnes, gan ein gwneud yn chweched (o ran maint) o blith y 23 cwmni dŵr rheoledig yng Nghymru a Lloegr.

Rydym yn cynnal 81 cronfa ddŵr a 105 gwaith trin dŵr, ac yn cyflenwi 900 miliwn litr o ddŵr y dydd ar gyfartaledd. Dosberthir y dŵr trwy rwydwaith pibellau 27,000 cilomedr, yn cynnwys including 532 gorsaf bwmpio a 715 cronfa wasanaeth. Yn ogystal byddwn yn casglu dŵr gwastraff (yn cynnwys draenio dŵr arwyneb a ffyrdd) trwy rwydwaith carthffosydd o 19,000 cilomedr, yn cynnwys 1,700 gorsaf bwmpio a 3,300 gorlif carthion cyfunol. Mae rhwydwaith o 832 gwaith trin dŵr gwastraff ger afonydd ac ar hyd yr arfordir yn trin yr holl ddŵr wastraff.