Cyfarwyddwyd Dŵr Cymru i gyhoeddi’r Cynllun Rheoli Adnoddau Dŵr hwn (y Cynllun) ar 15/01/09 gan Lywodraeth Cynulliad Cymru. Mae’r drafft Gynllun yn gyson â’r un a gyflwynwyd i Lywodraeth y Cynulliad, Ofwat (Office of Water Services), DEFRA (Adran Bwyd a Materion Gwledig) ac Asiantaeth Amgylchedd Cymru ym Mawrth 2008.  Un o amodau ein Cyfarwyddyd oedd cyhoeddi Cynllun Mawrth 2008.

Mae pennod 5 o’r Cynllun yn nodi ein dealltwriaeth o dan yr Adolygiad Cydsyniadau Cynefinoedd ar y pryd. Ers hynny mae Dŵr Cymru wedi parhau i gydweithio’n agos ag Asiantaeth Amgylchedd Cymru er mwyn deall oblygiadau’r broses ‘Adolygiad Cydsyniadau’ ar ein trwyddedau tynnu dŵr ar draws y wlad.  Ers cyflwyno’r cynllun drafft ym Mawrth 2008, rydym wedi derbyn mwy o ddata o ymchwiliadau’r Asiantaeth ac ers hynny mae’r Asiantaeth wedi darparu cynigion i newid ein trwyddedau tynnu dŵr. Bydd y cynigion yn cynrychioli oblygiadau sylweddol  i’n rheolaeth o adnoddau dŵr, ar dair afon yn benodol: afon Gwy (ac isafonydd), yr Wysg a’r Cleddau.

Mae’n bosibl bydd y newidiadau arfaethedig i drwyddedau tynnu dŵr o afonydd Gwy, yr Wysg a’r Cleddau yn effeithio’r cydbwysedd cyflenwad a galw mewn dim ond tri o’r 24 parth dŵr a nodir yn y Cynllun hwn: sef System Defnydd Cysylltiol y De Ddwyrain  (SEWCUS), Pilleth (oherwydd y cynigion ar Afon Lugg, isafon o’r Wy) a sir Benfro. Nodir newidiadau arfaethedig Asiantaeth Amgylchedd Cymru o fewn y  ‘Cynllun Amgylchedd Cenedlaethol’. Yn ogystal, rydym wedi parhau i ddatblygu cydbwysedd cyflenwad a galw yn unol â’r adran ‘Gwaith pellach‘. Byddwn yn ymgorffori’r astudiaethau hyn, ynghyd ag unrhyw ymateb i’r cynllun drafft, yn ein Cynllun terfynol.
Rydym wedi asesu potensial effaith cyfyngu’r trwyddedau tynnu dŵr a nodwyd yn y  ‘Cynllun Amgylchedd Cenedlaethol’ ar ein cyflenwadau a’r math o atebion fydd angen i daclo’r diffyg fydd yn deillio. Mae’r tabl isod yn crynhoi’r effeithiau hynny a’r atebion tebygol i adfer y cydbwysedd cyflenwad a galw. Ni fydd y cynlluniau hyn yn rhan o’r Cynllun drafft oherwydd ni dderbyniwyd hysbysiad o gynigion Asiantaeth Amgylchedd Cymru tan fis Tachwedd 2008.

Mae Dŵr Cymru yn awyddus i ymgynghori â chwsmeriaid a rhanddeiliaid fel rhan o’r broses o lunio’r Cynllun terfynol. Er bod y posibilrwydd o newidiadau o fewn y tri pharth yma, bydd dal angen buddsoddi i ddiogelu adnoddau a chyflenwadau dŵr ar draws y wlad. Felly, dyma ddrafft Cynllun Cymru, na fydd y rhan helaeth ohono’n destun newidiadau’n dseillio o gynigion Asiantaeth Amgylchedd Cymru. 

Ein bwriad yw cynnwys effeithiau’r gostyngiadau cynaladwyedd o fewn y Cynllun terfynol, ynghyd ag ystyriaeth o unrhyw ymateb a dderbynnir fel rhan o’r broses ymgynghori. Mynegol yw’r opsiynau hyn o bryd. Byddwn yn parhau i ddatblygu ac addasu’r ymchwiliadau hyn wrth gydweithio â  Llywodraeth y Cynulliad, Ofwat ac Asiantaeth Amgylchedd Cymru er mwyn sicrhau buddsoddiad addas er lles amgylchedd a chwsmeriaid Cymru.

Clic yma i lwytho i lawr ein Cynllun Rheoli Adnoddau Dwr