Ofwat yw’r rheoleiddiwr economaidd. Ei rôl yw sicrhau ein bod yn darparu gwasanaeth da am bris teg wrth bennu terfynau prisiau; sicrhau ein bod yn cynnal ein cyfrifoldebau statudol; diogelu safonau gwasanaeth cwsmeriaid; a hyrwyddo effeithiolrwydd.

Y Cyngor sy’n hyrwyddo a chynrychioli buddion ein cwsmeriaid yn nhermau prisiau, gwasanaeth a gwerth am yr arian. Bydd hefyd yn ymchwilio cwynion cwsmeriaid.

Yr Arolygaeth Dŵr Yfed sy’n sicrhau ein bod yn cyflenwi dŵr yfed diogel sy’n cwrdd â safonau’r Rheoliadau Dŵr Yfed. Bydd hefyd yn ymchwilio cwynion cwsmeriaid ac achosion sy’n effeithio, neu allai effeithio, ansawdd dŵr yfed.

Yr Asiantaeth sy’n monitro a gorfodi cydymffurfiad â safonau ansawdd dŵr amgylcheddol. Mae hefyd yn sicrhau y defnyddir a rheolir adnoddau dŵr yn effeithiol.

Y Cynulliad sy’n sicrhau ein bod yn dilyn deddfwriaeth Ewropeaidd a’r Deyrnas Unedig wrth wneud rheoliadau a chyhoeddi cyfarwyddyd statudol. Bydd y Cynulliad hefyd yn rhoi cyfarwyddyd i’r Cyfarwyddwr Cyffredinol ar raglenni dŵr yfed ac ansawdd amgylcheddol pan fydd yn ystyried gosod terfynau prisiau.

Mae Gwasanaeth Iechyd Cyhoeddus Cenedlaethol Cymru (GICCC) yn cynnig pob math o wasanaethau iechyd cyhoeddus er mwyn ceisio:

• Gwella iechyd a lles pobl Cymru a lleihau anghydraddoldebau mewn iechyd;
• Gwarchod rhag afiechydon a bygythiadau iechyd presennol, newydd a rhai sy'n dod i'r golwg; a
• Cyfrannu at wella gwasanaethau iechyd a gofal cymdeithasol.

Gwefan: www.nphs.wales.nhs.uk